Napoli ka mbështetur publikisht trajnerin Gennaro Gattuso pas spekulimeve se ai mund të shkarkohet nga klubi i Serie A pas një rënie në formë.

“Presidenti Aurelio De Laurentiis, me nënkryetarin Edoardo (De Laurentiis) dhe CEO Andrea Chiavelli, u takuan sonte me stafin stërvitor për të konfirmuar besimin e plotë te trajneri Rino Gattuso,” thuhet në një deklaratë të klubit, të lëshuar të mërkurën, transmeton arbresh.info.

Gattuso u kritikua pasi pësoi një humbje 2-0 ndaj Juventusit në Super Kupën e Italisë dhe një humbje 3-1 në shtëpi nga Hellas Verona në Serie A në katër ditët e javës së kaluar.

43-vjeçari u emërua në dhjetor 2019 për të zëvendësuar Carlo Ancelottin e shkarkuar dhe udhëhoqi Napolin në një triumf të Coppa Italia, trofeun e parë të klubit në gjashtë vjet.

Por rezultatet zhgënjyese, çuan në raportet e medias se klubi po konsideronte mundësi të tjera përfshirë ish-shefin Rafael Benitez.

Napoli pret Spezia në çerekfinalen e Coppa Italia të enjten dhe fituesi do të ndeshet me Atalanta në gjysmëfinale./arbresh.info/